स्कुलको बसको ठक्करबाट बाराको कलैयामा शुक्रबार ३ वर्षीय बालकको मृत्यु भएको छ ।

कलैया उपमहानगरपालिका–१ मोतीबागका विनोद साह सोनारका छोरा तीन वर्षीय छोरा कार्तिकको ज्यान गएको प्रहरी नायब उपरीक्षक पुरुषोत्तम पाण्डेले जानकारी दिनुभयो । वीरगञ्जमा रहेको गुरुकूल एकेडमीको ना २ ख ४२१० नम्बरको बसको ठक्करबाट शुक्रबार बिहान उनलाई ठक्कर दिएको थियो ।

बसले बालक साहको टाउकोमा किचेको थियो ।
जिल्ला प्रहरी कार्यालयबाट पाँच सय मिटर उत्तर-पश्चिमतर्फ रहेको घटनास्थलमा पुगेको प्रहरीले बस सहित चालक नन्दकुमार साहलाई नियन्त्रणमा लिएको छ ।